Aviareyslərdə endirimlər: rəqabət getdikcə artır - VIDEO

Aşağı qiymətə xidmət göstərən aviaşirkətlərin ölkəmizdə fəaliyyəti bazarda rəqabəti artırıb. "Azərbaycan Hava Yollari"nın "Azaljet" brendi altinda qiymətləri salması da seçimi genişləndirib. Biz də ən çox səfər edilən istiqamətlər üzrə qiymət fərqlərini öyrəndik. Hazırda lou-kost, yəni aşağı büdcəli xidmət göstərən üç şirkət: Türkiyənin “Pegasus”, Macarıstanın "WizzAir" və "Azərbaycan Hava Yolları"nın "Azaljet" brendi ölkəmizdən uçuşlar həyata keçirir. "Azaljet" İstanbul, Tbilisi, Tehran, Moskva və digər ən çox səfər edilən şəhərlər daxil olmaqla, 17 istiqamət üzrə  standart qiymət əsasında xidmət göstərir: bir tərəfli-104 manat, gediş-dönüş-193 manat. Bura 8 kiloqram əl yükü daxildir. Ancaq hər 23 kiloqramlıq yükə görə 25 avro ödəmək lazımdır. Təyyarədə yemək isə 5-8 avroya başa gəlir.

Digər aşağı büdcəli şirkətlərdə də yemək və baqaja görə əlavə ödəniş edilir. Türkiyənin "Pegasus" şirkəti Qəbələdən 13 istiqamət üzrə uçurlar həyata keçirir. Qiymətlər 65 manatdan  170 manata qədər dəyişir. Baqaja görə  əlavə ödəniş yükün çəkisindən asılıdır.

"WizzAir" şirkəti yalnız Bakıdan Budapeştə uçular həyata keçirir.  Biletlərinin qiyməti 60 avro, yəni təxminən 100 manatdan başlayır.  Ancaq sərnişinlər Budapeştdən "WizzAir"l həmin qiymətə, yəni təxminən 100 manata 40 istiqamətdə Avropanın digər şəhələrinə də uça bilərlər. Nəzərə alsaq ki, "Azaljet"in Avropaya reysi yoxdur, bu qitəyə AZAL-ın ənənəvi uçuları həyata keçirilir, ona  görə də "WizzAir"lə uçuş daha sərfəlidir.