Avrasiya tunelinə hansı şəxsiyyətin adı veriləcək? - FOTO

İstanbulda tikilən Avrasiya tuneli 10 gündən sonra istifadəyə veriləcək. Tunelin adı isə bu gün sona çatacaq xalq səsverməsinin nəticələrinə görə müəyyən olunacaq.

Avtosfer.az xəbər verir ki, sorğudan sonra sosial mediada başlayan kampaniyalarda Atatürk, Əbdülhəmid Xan və Alparslan Türkeşin adları öndədir.

“Marmaray” layihəsinin qardaşı adlandırılan Avrasiya tunelinin 20 dekabrda keçiriləcək açılış mərasimindən əvvəl Nəqliyyat, Dənizçilik və Rabitə Nazirliyi “Kıtalar Birleşiyor Alttan, İsmi Geliyor Halktan” şüarı ilə sorğuya start verib.

Sorğudan sonra “Ekşisözlük”, “Facebook” və “Twitter”-dən hərəkətə keçən sosial media istifadəçiləri “#TüneleİsimÖnerim” başlığı ilə Avrasiya tunelinin adının “Atatürk” olması üçün kampaniyaya start veriblər.

Bəzi istifadəçilər tunelin adının Boğaza ilk bağlı keçid layihəsini çəkdirən Osmanlı padşahı Əbdülhəmid Xan olmasınnın vacibliyini iddia ediblər.

Digər tərəfdən, xüsusən idealistlər Avrasiya tunelinə Alparslan Türkeş adının verilməsi üçün kampaniyaya start veriblər. İdealistlər “Milli projeye milliyetçi isim” şüarı ilə başladıqları kampaniyanı ötən günlərdə “Twitter”də Türkiyə gündəminə gətirə biliblər.

//“a24.az”