Avtomobil nəqliyyatı xidmətləri sahəsində protokol imzalanıb - FOTO

Bu gün Riqa şəhərində Azərbaycan və Latviyanın Nəqliyyat nazirliklərinin nümayəndələri arasında beynəlxalq avtomobil əlaqələri sahəsində Latviya-Azərbaycan Qarışıq Komissiyasının növbəti iclası keçirilib. 

Avtosfer.az xəbər verir ki, bu barədə Dövlət Avtomobil Nəqliyyatı Xidməti ictimaiyyətlə əlaqələr şöbəsinin rəhbəri Şəfa Mehmanqızının verdiyi məlumata görə, iclasda ölkələr arasında həyata keçirilən beynəlxalq avtomobil daşımalarının vəziyyəti, mövcud problemlər və inkişaf perspektivləri, Şimal-Cənub beynəlxalq nəqliyyat dəhlizindən keçən tranzit yüklərin həcminin artırılması, 2016 -2017-ci illər üçün “İcazə”lərin kontingentinin müəyyən edilməsi və hər iki tərəf üçün maraq kəsb edən digər məsələlər müzakirə edilib.

İclasda müvafiq razılaşmalar əsasında protokol imzalanıb.