Avtomobillərin icbari sığortası ilə bağlı yenilik edildi - VİDEO

Artıq SMS bildirişlərdə icbari sığorta müqaviləsinin tarixi əks olunmayacaq. Sığorta olunanlara 9707 nömrəsindən icbari sığorta müqaviləsinin bağlandığı, qüvvəyə mindiyi və qüvvədən düşdüyü tarixlərlə bağlı sms göndərilməyəcək. Məqsəd məlumatların sığorta bazarının peşəkar iştirakçıları tərəfindən əldə olunaraq öz mənafeləri üçün istifadə edilməsinin və dələduzluq hallarının qarşısını almaqdır

Söhbət avtomobillərin sığortalanma şəhadətnamələrinin bağlanmasının və müddəti başa çatdığı tarixlərdən gedir. 2012-ci ildən bəri bütün bu məlumatlar həm büronun rəsmi saytında açıq şəkildə qeyd olunurdu, həm də hər sığortalanana ayrıca sms kimi göndərilirdi. Bu isə bəzi işbazlar üçün dələduzluğa şərait yaradırdı.

Bundan sonra İcbari Sığorta Bürosunun 9707 nömrəsindən müştərilərə sms-lərin gödərilməsi davam etdiriləcək, lakin burada icbari sığorta müqaviləsinin bağlandığı, qüvvəyə mindiyi və qüvvədən düşdüyü tarixlər əks olunmayacaq. Bəs vətəndaşlar bu məlumatı hardan ala biləcək?