Avtomobillərin icbari sığortasında yenilik tətbiq olunacaq - VİDEO

Avtomobillərin icbari sığortasının yeni qaydada satışı başlanır. Artıq sürücülər öz avtomobillərində bu sığorta növünü ödəmə terminalları vasitəsilə əldə edə biləcəklər. Terminallarda avtomobilin siğorta edilməsi isə çox asan və tez surətdə başa gələcək. Sığorta haqqının ödənilməsi üçün müştərilər mobil telefon nömrəsini, şəxsiyyət vəsiqəsinin pin kodunu və nəqliyyat vasitəsinin nömrəsini terminala daxil etməlidirlər. Daha sonra nəqliyyat vasitəsinin növünü seçərək ödəniş etməlidirlər

Müştəri ödəniş etdikdən sonra bu barədə sığorta şirkətinə məlumat daxil olur. Və sığorta şəhadətnaməsi ünvana çatdırılır. Hələlik ölkədə fəaliyyət göstərən bir sığorta şirkətinin tətbiq etdiyi yeniliyi gələcəkdə digər şirkətlərin təklif etməsi də istisna deyil. Terminallar vasitəsi ilə edilən sığorta zamanı müştərilər bonus manus sistemidən də asanlıqla istifadə edə biləcək.