“Avtovağzal”ın çıxışında piyada zolaqları qoyulacaq

“Avtovağzal” metro stansiyasının Biləcəri qəsəbəsi istiqamətində olan çıxışında piyada zolaqlarının qoyulması nəzərdə tutulub.

Avtosfer.az xəbər verir ki, bu sözləri Nəqliyyatı İntellektual İdarəetmə Mərkəzinin (NİİM) mətbuat xidmətinin rəhbəri Rauf Mirqulamov azərtac-a müsahibəsində deyib.

Onun sözlərinə görə NİİM-in əməkdaşları daim bütün yollarda müşahidələr aparır, çatışmayan cəhətləri aradan qaldırmaq üçün tədbirlər görür: “Həm bizim müşahidələrimiz, həm də daxil olan müraciətlər əsasında yollardakı çatışmazlıqların aradan qaldırılmasına xüsusi diqqət ayırırıq”.

R.Mirqulamov bildirib ki, “Avtovağzal” metro stansiyasının Biləcəri qəsəbəsi istiqamətinə olan çıxışında və digər ərazilərdə mövcud çatışmazlıqlar yaxın gələcəkdə tamamilə aradan qaldırılacaq.