Azərbaycanda nəhəng bərələr tikilə bilər

«Azərbaycan Xəzər Dəniz Gəmiçiliyi» QSC Xəzərdə 100 vaqon tutumlu bərələrin tikintisi və istismarı ilə bağlı texniki imkanları nəzərdən keçirir. Avtosfer.az xəbər verir ki, bu barədə Trend-ə QSC-dən bildirilib.  Azərbaycan ərazisindən Xəzər dənizi vasitəsilə yüklərin daşınmasının potensial dinamikasını nəzərə alaraq, 54 vaqon tutumlu yeni bərələrin və 53 yük maşını tutumlu «Ro-Pax» növlü gəmilərin tikintisi məsələsi nəzərdən keçirilir: «Bundan başqa, Xəzərdə 100 vaqon tutumlu bərələrin tikintisi və istismarı da nəzərdə tutulur, lakin bu, uzaq gələcək üçün düşünülür».

Qeyd edək ki, hazırda QSC-nin balansında müxtəlif tutumlu 14 bərə var.