Azərbaycanda sürücülük vəsiqələrində YENİLİK - AÇIQLAMA - YENİLƏNİB

"Milli sürücülük vəsiqəsinin yenilənməsi ilə bağlı yayılan məlumatla əlaqədar bildirirəm ki, qanunvericiliyin tələbinə əsasən, sənədin hazırkı nümunəsində hər bir kateqoriya (altkateqoriya) haqqında əlavə məlumat və ya məhdudiyyətlər, o cümlədən eynəklə idarəetməyə dair qeyd olur".

Bunu sorğuya cavab olaraq Daxili İşlər Nazirliyinin Baş Dövlət Yol Polisi İdarəsinin rəsmisi, polis polkovnik-leytenantı Mübariz Ağayev deyib.

"Eynəklə idarəetməyə dair qeyd, əvvəlki nümunədə yalnız yazılı şəkildə olurdusa, 2020-ci ildən sonra verilən sürücülük vəsiqələrində bu məlumat yazı ilə yanaşı, həm də "eynək" stikeri ilə göstərilir", - deyə M.Ağayev əlavə edib.

15:36

***

Azərbaycanda sürücülük vəsiqələrində yenilik edilib.

Avtosfer.az xəbər verir ki, artıq vəsiqələrin üzərində "eynək" işarəsi olacaq. Bu işarə sürücünün gözünün zəif olduğunu bildirir.

Yeni nəsil sürücülük vəsiqələri bu həftədən etibarən verilməyə başlayıb.

(oxu.az)