Bakı-Çikaqo marşrutu üzrə birbaşa yükdaşımalara başlanılıb
Yeniliklər
23 Sentyabr 2016 11:28
Oxunub 1406
Şirkət bu marşrut üzrə müntəzəm transatlantik uçuşları həftədə iki dəfə yerinə yetirəcək
Azərbaycanın yük daşımaları ilə məşğul olan “Silk Way West Airlines” şirkəti ABŞ-ın ən böyük nəqliyyat qovşağı olan Çikaqo şəhəri (İllinoys ştatı) arasında birbaşa hava əlaqəsi yaradıb.
Bu barədə Avtosfer.az-a Şirkətdən bildirilib.
Məlumata görə, Heydər Əliyev Beynəlxalq Hava Limanından O'Hare Beynəlxalq Hava Limanına ilk reys sentyabrın 18-də yerinə yetirilib.
Bu ilin oktyabr ayından başlayaraq isə şirkətin bu marşrut üzrə müntəzəm transatlantik uçuşları həftədə iki dəfə olmaqla ən müasir yük təyyarələrindən biri “Boeing 747-8F Freighter” təyyarəsi ilə yerinə yetirəcək.
Aviaşirkət ABŞ-ın yük daşımaları bazarında mövqeyini daha da gücləndirmək istəyir.
Xatırladaq ki, bu il aprelin 6-da Azərbaycan və ABŞ hökumətləri arasında hava daşımaları bazarının liberallaşdırılmasına imkan verən “Open Skies” hava nəqliyyatı haqqında saziş imzalanıb.
ŞƏRH YAZ
DİGƏR XƏBƏRLƏR
