"BakuBus"a yeni təyinat

"Baku Bus" MMC-nin Mətbuat və ictimaiyyətlə əlaqələr  şöbəsinin müdiri vəzifəsinə yeni təyinat olub. Avtosfer.az milli.az-a istinadən xəbər verir ki, "Baku Bus" MMC-nin Mətbuat və ictimaiyyətlə əlaqələr şöbəsinin müdiri vəzifəsinə Mansur Piriyev təyin olunub.

Qeyd edək ki, Mansur Piriyev uzun illər Fövqəladə Hallar Nazirliyi (FHN) Dövlət Sularda Xilasetmə Xidmətinin (DSXX) Təbliğat və təşkilat sektorunun müdiri vəzifəsində çalışıb.

Faktı M.Piriyev-in özü də təsdiqləyib: "Bu gün insanların maarifləndirilməsinə ehtiyac duyulduğu sahələrdən biri də ictimai  nəqliyyat, ondan düzgün istifadə və  davranış qaydaları ilə bağlıdır. Ona görə də əldə etdiyim təcrübəni bu istiqamətdə həyata keçirmək qərarına gəldim". Xatırladaq ki, M.Piriyev FHN-də çalışdığı müddətdə media ilə əlaqəsinə və apardığı təbliğat və maarifçilik işlərinə görə həmişə müsbət mənada seçilib.