Bu yolda təmir-bərpa işləri sürətlə aparılır - VİDEO

Bir tərəfdə köhnə asfalt qatı qaşınır, digər tərəfdə isə qaşınmış əraziyə torpaq tökülür. Təmir-bərpa işləri Bakı-Quba-Rusiya dövlət sərhədi yolunun Ceyranbatan qəsəbəsi ərazisində gedir. Sözügedən yol may ayının 30-dan birtərəfli qaydada bağlanıb. Bütün işlər ''Azəravtoyol'' Açıq Səhmdar Cəmiyyəti, Fövqaladə Hallar Nazirliyi və Standartlaşdırma, Metrologiya və Patent üzrə Dövlət Agentliyinin əməkdaşlarının xüsusi nəzarəti altında tərtib olunmuş qrafikə uyğun olaraq aparılır.

Qeyd edək ki, işlərin aparıldığı ərazidə nəqliyyat vasitələrinin hərəkəti tam məhdudlaşdırılıb. Təmir işləri aparılan müddət ərzində yolun digər hərəkət hissəsi ilə Sumqayıt şəhəri istiqamətində avtonəqliyyat vasitələrinin ikiərəfli hərəkəti təmin edilib. ''Azəravtoyol'' Açıq Səhmdar Cəmiyyətinin mətbuat katibi Anar Nəcəflinin sözlərinə görə, təmir olunan ərazidə qrunt sularının kənarlaşdırılması üçün drenaj sistemi də qurulur. Yolun yenidən istifadəyə verilməsinə gəlincə isə bu məsələyə Anar Nəcəfli aydınlıq gətirib.