"Cəfər Cabbarlı" stansiyasının birinci yolu açıldı - FOTO

Bakı Metropoliteninin "Cəfər Cabbarlı" stansiyasının birinci yolu təmir-bərpa işlərindən sonra bu gün istifadəyə verilib. Avtosfer.az xəbər verir ki, bu barədə trend-ə "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev məlumat verib.

Onun sözlərinə görə, yol bu gün səhər saatlarından istifadəyə verilib.

Xatırladaq ki, "Cəfər Cabbarlı" stansiyasının birinci yolu təmir-bərpa işləri ilə əlaqədar dekabrın 7-də iki həftəlik bağlanmışdı. Təmir işləri bir həftə ərzində yekunlaşdığından yol bu gün istifadəyə verilib.