Daha 6 avtobus kart sisteminə keçir - Sabahdan - FOTO

Sentyabrın 1-dən Bakıda 6 marşrut xətti ilə hərəkət edən avtobuslarda gediş haqqının nağdsız ödənişi tətbiq ediləcək. Avtosfer.az xəbər verir ki, bu barədə "Xaliq Faiqoğlu" şirkətindən verilən məlumata görə, 18,61,65,79,85 və 96 saylı marşrut xəttlərində “Bakı Kart” sisteminə keçidlə əlaqədar nağd ödənişlər qəbul olunmayacaq. Bu məqsədlə şirkət rəhbərliyi vətəndaşlardan “Bakı Kart” ödəniş kartlarını əldə etməsini xahiş edir. Artıq avtobuslarda nağdsız ödəniş üçün cihazların quraşdırılması prosesi yekunlaşıb və avtobuslarda müşahidə kameraları quraşdırılıb. 

Xatırladaq ki, adıçəkilən 6 marşrut "Xaliq Faiqoğlu" şirkəti tərəfindən istismar olunur. Bu avtobuslarda da gediş haqqı metroda və "BakuBus" MMC-nin avtobuslarında hazırda istifadə olunan kartlar vasitəsilə ödəniləcək.

Emin