Evakuatorlara qarşı yeni cihaz hazırlandı - VİDEO

Avtomobillər üçün ilk yerli “ağıllı” cihazın istehsalına başlanılıb. Bu cihaz vasitəsilə avtomobil sahibləri avtomobilləri evakuatorla aparılan zaman qısa mesajla xəbərdar olacaqlar. İlkin mərhələdə cihaz sınaq üçün istehsal olunub.Sınaq müddəti yekunlaşdıqdan sonra cihazın may ayında korporativ müştərilərə,  iyun ayında isə fərdi müştərilərə satışı nəzərdə tutulur. Cihaz tam yerli məhsuldur və yerli mütəxəssislər tərəfindən hazırlanır. Məhsulun satış qiyməti 120-140 manat olacaq.

Cihaz avtomobillə bağlı bir sıra informasiyaları mütəmadi olaraq sahibinə ötürəcək.Bu zaman sutka boyunca avtomobilin dayanma anı, getdiyi məsafə, olduğu yerləri izləmək mümkün olacaq. Bundan əlavə, proqram maşının sığortasının vaxtı bitdikdə, yağının dəyişmə zamanı çatdıqda xəbərdarlıq edəcək.