İctimai nəqliyyatda namaz qılmaq provokasiya kimi qiymətləndiriləcək – Qərar

Metroda və ya ictimai nəqliyyat vasitələrində – xüsusilə sürücülərin iş zamanı namaz qılması qəbuledilməzdir və bu, açıq şəkildə provokasiya xarakteri daşıyır. Avtosfer.az xəbər verir kİ, bunu Rusiyada Prezident yanında Vətəndaş Cəmiyyətinin İnkişafı və İnsan Hüquqları Şurasının sədri Valeri Fadeyev RBK-ya müsahibəsində deyib. O, bildirib ki, ictimai yerlərdə nümayişkaranə şəkildə namaz qılmaq — məsələn, metroda yerə səccadə sərərək dua etmək — həqiqi İslamın prinsiplərinə ziddir və cəmiyyətdə narazılıq yaratmaq, insanların siyasi məqsədlərlə istifadə olunması üçün edilir. Fadeyevin fikrincə, bu cür hallarla mübarizə maarifləndirmə yolu ilə aparılmalıdır. O, qeyd edib ki, u işdə əsas yük İslam dini liderlərinin üzərinə düşür.