Aparat 24 saatdan çox fasiləsiz havada qala bilir, maksimal uçuş kütləvi cəmi 50 kiloqramdır və 18 min fut ( 6 min metrdən çox) maksimal yüksəkliyə qalxır.
Orbiter 4
“Orbiter 4”lə yanaşı şirkət ADEX-2016 sərgisində “Orbiter 1K” mini pilotsuz sistemini də yerüstü nəqliyyat vasitəsində quraşdırılmış idaretmə sistemi ilə birlikdə təqdim edəcək. “Orbiter 1K” hərəkətsiz və ya hərəkətdə olan hədəfləri aşkar edib məhv etmək qabiliyyətinə malikdir.
Sistem habelə əvvəlcədən təyin edilmiş sahə bazasında avtonom rejimdə işləyə bilir. “Orbiter 1K” bazadan müstəqil şəkildə təyin olunmuş ərazinin videoçəkilşlərini aparır, hədəfi aşkar edir və stasionar, yaxud hərəkətdə olan hədəfi müstəqil şəkildə məhv edir. Əgər hədəf aşkar edilməsə və ya planda hansısa dəyişikliklər baş versə sistem bazaya qayıdır və paraşütünü, təhlükəsizlik yastığını özü açaraq yerə enir. “Orbiter 1K” 2-3 saat fasiləsiz havada qala bilir və sutkanın istənilən vaxtında döyüş vəzifəsini icra edir. Aparat kompaktdır və asan idarə olunur. Müasir avionikaya malik olması, kiçik fiziki ölçüləri onu məxfi əməliyyatlarda, sərhədlərin təhlükəsizliyində ətbiq etməyə imkan verir.
Orbiter 1K
“Aeronautics” LTD şirkəti həmin sistemlərin birgə istehsalı üçün Azərbaycanın Müdafiə Sənayesi Nazirliyi ilə işləyir. Şirkətin aeronavtika üzrə baş direktoru Amos Mathan bildirib: “Biz Azərbaycanın artan müdafiə bazarında böyük imkanlar görürük və məmuniyyətlə yerli Müdafiə Sənayesi Nazirliyi ilə sıx əlaqələr saxlayırıq”.
Orbiter 1K
Xatırladaq ki, Azərbaycanın İsraildən aldığı “Harop” pilotsuz döyüş sistemləri bu ilin aprelində gedən döyüşlərdə ilk dəfə tətbiq olunub və düşmənin bir sıra hədəflərini yüksək dəqiqliklə məhv edib. Bu pilotsuz döyüş sisteminin tətbiqi ermənilər arasında böyük panikaya səbəb olmuşdu. İndi İsrail şirkəti bundan daha mükəmməl iki pilotsuz döyüş sistemini Bakıya gətirir və belə görünür ki, Qarabağdakı işğalçı erməni əsgərlərinin daha çox qorxmasına əsaslar var...
Virtualaz.org
