Kür çayı üzərində yeni körpü – FOTO+VİDEO

Salyan rayonunda “Babazanan” yaşayış sahəsindən rayon mərkəzinə olan məsafəni dəfələrlə qısaldan yeni körpü salınıb. "Azəravtoyol" ASC-dən Avtosfer.az-a verilən məlumata görə, Kür çayı üzərində yeni 6 aşırımlı körpünün uzunluğu 200 metr, eni 14,5 metrdir. Yeni körpünün hərəkət hissəsinin eni 11,5 metr, piyada səkilərinin eni hər bir tərəfdə 1,5 metrdir. Ən müasir tikinti materialları ilə inşa edilmiş körpünün Kür çayının səviyyəsindən hündürlüyü təqribən 13 metrdir.

Çayda suyun səviyyəsinin tez-tez dəyişildiyi nəzərə alınaraq körpünün təhlükəsizliyini təmin etmək üçün qabaqlayıcı və profilaktiki tədbirlər həyata keçirilib. Körpü 9 bal zəlzələyə hesablanaraq layihələndirilib.

Kür çayında su axının təmizlənməsi üçün sağ və sol sahildə qazma-doldurma svay əsaslı monolit beton istinad divarları tikilib.