Motosiklet sürücüləri də “avtoş” kimi həbs ediləcək -YENİLİK
Yeniliklər 25 Yanvar 2021 14:52 Oxunub 2088
Motosiklet sürücüləri də “avtoş” kimi həbs ediləcək -YENİLİK

Xəbər verdiyimiz kimi qanun layihəsinə edilən dəyişiklik qüvvəyə mindikdən sonra motosiklet sürücüləri də avtoxuliqanlıq hərəktlərinə görə məsuliyyətə cəlb ediləcək. Avtosfer.az xəbər verir ki, hazırda qüvvədə olan İnzibati Xətalar Məcəlləsinin 511-ci maddəsində motosikletlə avtoxuliqanlıq etməyin anlayışı qeyd olunmadığı üçün həmin sürücüləri məsuliyyətə cəlb etmək mümkün olmur. Ona görə də motosiklet sürücüləri yollarda müxtəlif riskli hərəkətlər edə bilirlər.

Qeyd edək ki, təklif olunan qanun layihəsində moped sürücülərinin avtoxuliqanlığı nəzərdə tutulmayıb. Əslində bu məsələnin qanunvericiliyə salınmaması gələcəkdə moped sürücülərinin özbaşınalıq etməsinə gətirib çıxaracaq.

Gün ərzində yollarda kuryer xidməti ilə məşğul olan moped sürücüləri ilə tez-tez rastlaşırıq. Onların qayda pozuntuları və təhlükəli hərəkətlərindən kifayət qədər insan şikayət edir. Hətta moped sürücülərinin iştirakı ilə baş verən qəzaların sayı da az deyil.Motosikletlərdən fərqli olaraq mopedlərin qeydiyyat nişanı olmadığı üçün həmin sürücüləri kamera vasitəsi ilə məsuliyyətə cəlb etmək mümkün olmur. Bu səbəbdən moped sürücülərində arxayınlıq və intizamsızlıq yaranır.

Ona görə də mopedlə avtoxuliqanlıq edən sürücülərin məsuliyyət məsələsi də qanunvericiliyə salınmalıdır.

 

Təbriz

FOTO QALEREYA
ŞƏRH YAZ
Ad

E-mail

Şərh