Naxçıvan-Ordubad magistralı yenidən qurulur

Muxtar Respublikanın Naxçıvan-Ordubad magistralından Culfa şəhərinə qədər olan avtomobil yolu yenidən qurulur. Avtosfer.az xəbər verir ki, yolun yenidən qurulmasına cari ilin aprel ayının sonundan başlanılıb. Qısa müddətdə “Gəmiqaya Yol, Su, Enerji” Məhdud Məsuliyyətli Cəmiyyətinin inşaatçıları tərəfindən Bayraq Meydanından Culfa şəhərinədək uzunluğu 2 kilometr olan avtomobil yolunun asfalt örtüyü götürülüb, yol yatağı genişləndirilərək 10 metrə çatdırılıb. Hazırda yol yatağında bərkitmə işləri aparılır, avtomobil yolu üzərindəki körpü yenidən qurulur. Həyata keçirilən tədbirlərin növbəti mərhələsində yol kənarları abadlaşdırılacaq, piyadaların hərəkəti üçün səkilər salınacaq, müasir işıqlandırma sistemləri quraşdırılacaq. Avtomobil yolunun yenidən qurulması Culfa şəhərinə və əks istiqamətə piyadaların və avtomobillərin təhlükəsiz hərəkətini, həmçinin rahatlığını təmin edəcək.

Fərid