Nəqliyyat Nazirliyində Apellyasiya Şurası yaradılıb

Azərbaycan Nəqliyyat Nazirliyində Apellyasiya Şurası yaradılıb. Nəqliyyat naziri Ziya Məmmədovun əmri ilə yaradılan Apellyasiya Şurasının əsasnaməsi, tərkibi və katibliyi təsdiq edilib. Avtosfer.az-ın nazirliyə istinadən verdiyi xəbərə görə, Z.Məmmədovun müavini Arif Əsgərov Apellyasiya Şurasının sədri, nazirliyin tabeli qurumlarının rəhbərlərindən və nazirliyin Aparatının şöbə müdirlərindən ibarət 6 nəfər isə şuranın üzvləri təyin ediliblər. Apellyasiya Şurasının katibliyinin rəhbəri və tərkibi də təsdiq olunub.