"Nissan" robotlaşdırılmış ofis kresloları yaratdı - VİDEO

Məşhur avtomobil istehsalçısı “Nissan” şirkəti "YouTube” videohostinqində qeyri-adi robotlaşdırılmış texnikanın işini nümayiş etdirən videoçarx yerləşdirib. Belə ki, şirkət mühəndisləri adi ofis kreslolarını otaqda sərbəst hərəkət edə bilən robotlara çeviriblər. Kresloların standart təkərləri əl çalmaqla aktivləşən xüsusi elektron bloklarla əvəzlənib. Eksperimentin mahiyyəti yeni avtopilot parklama sisteminin nümayişindən ibarətdir. Bildirilir ki, kreslolar quraşdırılmış “Wi-Fi” modulu vasitəsilə kompyuterdən komandalar alır. Öz növbəsində kompyuter otağın divarlarında quraşdırılan kənar kameralardan daxil olan təsvirlərə əsaslanır. Beləliklə, sistem başqa istehsalçıların bilavasitə nəqliyyat vasitəsinə quraşdırdıqları xüsusi sensorlar olmadan da işləyə bilir. Keyfiyyətli sürücüsüz parklama üçün adi videomüşahidədən də istifadə mümkündür.