“Papanin”də metro stansiyası açılacaq

“Bənövşəyi xəttin “Memar Əcəmi” və “Avtovağzal” stansiyalarından sonra B3 (şərti adı) stansiyası sərnişinlərin ixtiyarına olacaq”.

Avtosfer.az xəbər verir ki, bu barədə aznews.az-a açıqlamasında Bakı Metropoliteninin mətbuat xidmətinin rəhbəri Nəsimi Paşayev deyib. Onun sözlərinə görə, B3 bənövşəyi xəttin növbəti stansiyasıdır: “Bu stansiya Ceyhun Səlimov (Papanin adlanan ərazi) ətrafında açılacaq. Hazırda həmin stansiyada tikinti işləri davam edir”. 

N.Paşayev qeyd edib ki, Xırdalan ərazisi istiqamətində metro stansiyası tikintisi nəzərdə tutulmayıb.