Prezident Adminstrasiyasının qarşısındakı daşlıq yol asfalt oldu - FOTO

Artıq 3 gündən çoxdur Bakının İstiqlaliyyət və Niyazi küçələrində nəqliyyat vasitələrinin hərəkəti məhdudlaşdırılıb. Avtosfer.az-ın məlumatına görə, İstiqlaliyyət küçəsinin «İçərişəhər» metrostansiyasının qarşısından üzü Prezident Adminstrasiyasına tərəf olan hissəsi və oradan Aneft meydanına düşən yol – Niyazi küçəsi təmirlə əlaqədar olaraq bağlanıb. Niyazi küçəsində yenilik dı edilib. Belə ki, PA-nın qarşısından Azneftə düşən yolun daşlıq hissəsi tamamilə asfalt döşəmə ilə örtülüb. Bu, Formula 1 yarışları ilə bağlıdır. Əvvəldən də bildirilmişdi ki, Bakıda bir neçə nöqtədə daşlıq yollar asfaltlanacaq və yarışdan sonra əvvəlki halına gətiriləcək.

Hazırda qeyd olunan küçələrdə təmir işləri davam etdirilir. Bir azdan hərəkətin bərpa olunacağı gözlənilir.

Fərid