Rostov-Bakı-Rostov marşrutu üzrə uçuşlara başlanılır

Rusiyanın büdcə aviadaşıyıcısı “Pobeda” oktyabrın 31-dən Rostov-Bakı-Rostov marşrutu üzrə müntəzəm uçuşlara başlayır. Avtosfer.az xəbər verir ki, Azərbaycanın Dövlət Mülki Aviasiya Administrasiyası müvafiq icazəni sözügedən aviaşirkətin uçuşları həftədə 4 dəfə yerinə yetirmək sorğusundan sonra verib.

Uçuşların bazar ertəsi, çərşənbə, cümə və bazar günləri yerinə yetirilməsi planlaşdırılır. 

Qeyd edək ki, bu, Azərbaycana uçuşlar yerinə yetirən artıq beşinci lou-kosterdir. Hazırda ölkəyə “Flydubai”, “WizzAir“, “Pegasus” və “AirBaltic” büdcə aviaşirkətləri uçuşlar həyata keçirir.

Dövlət Mülki Aviasiya Administrasiyası, həmçinin ölkə regionlarına uçuşlara başlanılması üçün bir sıra aviaşirkətlər ilə danışıqları davam etdirir.