Rusiyaya aparan yol yenilənir – FOTO

Bakı-Quba-Rusiya Federasiyası ilə dövlət sərhədi avtomobil yolunun 133-192-ci kilometrlik hissəsinin (Qəndob-Rusiya sərhədi) yenidən qurulması işlərinə star verilib. "Azəravtoyol" ASC-dən Avtosfer.az-a bildiriblər ki, I texniki dərəcəli avtomobil yolunun ümumi uzunluğu 59,5 km, hər istiqamət üzrə 2 olmaqla hərəkət zolaqlarının sayı 4 (2 x 2), ayrıcı zolağının eni 5 m, örtüyün tipi asfalt-betondur. Yol yatağının eni 28 m, hərəkət zolaqlarının eni 3,75 m olmaqla hərəkət hissəsinin eni isə bir istiqamət üzrə 7,5 m (2 x 7,5 m), çiyinlərin eni 3,75 (2x 3,75 m) olacaq. Yolda hesabi sürət 120 km/saat nəzərdə tutulub. Layihədə 23 ədəd olmaqla 4 ədəd müxtəlif səviyyəli böyük yol ötürücüləri, 4 ədəd müxtəlif səviyyəli kiçik yol ötürücüləri, 15 ədəd körpülərin, beynəlxalq qaz və neft boruları üzərində yük ötürücü 7 ədəd qurğunun, kəndlərarası düzbucaqlı qurğu ilə 27 ədəd yol keçidinin, 313 yerdə müxtəlif diametrlərdə suötürücü borular və digər dəmir-beton qurğuların tikintisi, elektrik, rabitə, su və qaz xətlərinin köçürülməsi planlaşdırılır. Hazırda sözügedən avtomobil yolunda torpaq işləri görülür, yol yatağı və yol əsası tikilir, bundan başqa su və yeraltı keçidlərin, körpülərin inşaası aparılır. İşlərin tərtib olunmuş qrafikə uyğun vaxtında yekunlaşdırılması üçün əraziyə lazımi sayda qüvvə cəlb olunub.

Emin