Sərnişin avtobuslarında pulsuz “Wi Fi”

Rusiya paytaxtındakı bəzi sərnişin avtobuslarında pulsuz “Wi Fi” xidməti istifadəyə verilib. İKT.lent.az-ın xəbərinə görə, bu barədə “Mosqortrans” məlumat yayıb. “Wi Fi” hələlik 4 marşrutda – 902 və 904 saylı yarımekspresslərdə, H1 saylı gecə avtobusunda və Yeni Moskvada fəaliyyət göstərən 1002 saylı avtobusda var. İlin sonuna qədər şəhərdəki bütün avtobuslar, trolleybuslar və tramvaylar pulsuz internetlə təmin olunacaq. Böyük tıxacların olduğu Moskvada hərəkət edən avtobuslarda internetin olması sərnişinlərin vaxt keçirməsi üçün yaxşı imkanlar yaradır.

Qeyd edək ki, Rusiya paytaxtında “ağıllı” dayanacaqlar yaradılması da planlaşdırılır.