Sərnişin təyyarələrinə katapult edilə bilən qara qutular qoyulacaq

EgyptAir aviakompaniyasının A320 təyyarəsinin qəzası bir daha göstərdi ki, hava gəmisi katapul edilə bilən qara qutularla təchiz olunmalıdır. Avtosfer.az rt-yə istinadən məlumatına görə, bu barədə  Airbus-un baş mühəndisi  Çarl Çempion bəyan edib.

«Əgər bizim katapult edilə bilən rekorderimiz olsa, qəza baş verəcəyi təqdirdə onu tapmaq daha asan olar. Biz bu sistem üzərində işləyirik və bu qəza (A320)  növbəti dəfə işimizin vacibliyini göstərib».

Qeyd edək ki, mayın 19-da qəzaya uğrayan  EgyptAir-in A320 Airbusunun  özüyanan qurğusu hələ də tapılmayıb. Hazırda mütəxəssislər onu  Aralıq dənizində axtarırlar.

Katapult edilə bilən qara qutular  qəza zamanı təyyarənin qurbğulundan ayrılacaq. Radiobuyla  təchiz olunan bu özüyazan qurğular həyəcan siqnalı verəcək. Bu həm təyyarənin, həm də onun tapılması işini asanlaşdıracaq.

Bu sistem uzun illərdir ki, hərbi təyyarələrdə var. Ancaq qara qutunun öz-özüna ayrılma risqini nəzərə alaraq sərnişin təyyarələrində istifadə olunmur.