Sumqayıtda velosipedçilər üçün xüsusi zolaq ayrılıb – FOTO-VİDEO

Sumqayıt şəhərində yollarda velosipedlərin hərəkəti üçün ayrıca zolaq salınıb. Avtosfer.az milli.az-a istinadən xəbər verir ki, bu barədə şəhər sakinləri sosial şəbəkələrdə məlumat veriblər. Məsələ ilə bağlı “Azəravtoyol” ASC-nin mətbuat xidmətinin rəhbəri Anar Nəcəfli bildirib ki, bu, onların işi deyil: “Sumqayıtda yollar şəhər icra hakimiyyətinin balansındadır. Yollarda velosipedlər üçün zolaqların salınması da onların işidir. Bizim bu məsələyə heç bir aidiyyətimiz yoxdur”. Qeyd edək ki, Bakıda Dənizkənarı bulvarda velosipedlərin hərəkəti üçün xüsusi ərazilər müəyyən edilsə də, bu vaxta qədər onlar üçün yollarda ayrıca zolaq heç vaxt olmamışdı.