Sürücülər cəriməni yarı-yarı ödəyə biləcək - YENİLİK

Yeni ildən Rusiya İnzibati Xətalar məcəlləsində edilmiş dəyişikliklər qüvvəyə minəcək. Avtosfer.az-ın xarici mətbuata istinadən məlumatına görə, yeni dəyişikliklər yol hərəkəti qaydalarını pozarkən yazılan cərimə məsələləri ilə bağlıdır. Belə ki, artıq sürücü yazılmış cəriməni yarı-yarı ödəyə bilər. Bir şərtlə ki, ödənişin yarısını qərar çıxarılan gündən etibarən ilk 20 gün ərzində etsin. Bu qərar həm də təyin edilmiş sürət həddini qərəzli məqsədlə saatda 40 km-dən çox aşan, zolaqda hərəkətin tam əksinə hərəkət edən və qırmızı işıqdan keçən sürücülərə də aid edilir. 

Ancaq o da qeyd edilib ki, ikinci dəfə eyni səhvi edən sürücü cəriməni bütünlüklə ödəməli olacaq. 

Bildirək ki, nəzərdə tutulan bu güzəşt ciddi yol qaydası pozuntusu edən – maşını içkili idarə edən və tibbi yoxlanışdan imtina edən, insanların xəsarət alması ilə nəticələnən qayda pozuntusu törədən sürücülərə şamil edilmir. Onlar yazılan cəriməni tam olaraq ilk dəfə üçün ödəməlidirlər.

Fidan