Təyyarəni restorana çevirdi - VİDEO

Türkiyənin Təkirdağ əyalətində yaşayan Mustafa Yurdanur adlı iş adamı  maraqlı biznesi ilə diqqət çəkir. O, istifadə müddəti başa çatmış təyyarəni restorana çevirib. 

Avtosfer.az atv.az-a istinadən xəbər verir ki, ötən il “Airbus A 300” tipli yük təyyarəsi alan şəxs, hava gəmisini restorana çevirmək üçün düz 16 ay çalışıb. Bacarıqlı ustaların səyi nəticəsində təyyarənin dizaynı dəyişdirilib. 

Mustafanın sözlərinə görə, əvvəlcə restoran müştəri qıtlığı problemi yaşayıb. İnsanlar  restoranda qiymətlərin olduqca baha olduğunu düşünüb. Amma laynerdəki qiymətlər elə də baha deyil. Kiçik restoranlardakı qiymətlərlə  müqayisə ediləcək qədər ucuzdur.

Xəyalının gerçək olduğunu ifadə edən iş adamını növbəti hədəfi deyəsən daha diqqət çəkən olacaq. O, təyyarəni otelə çevirmək istəyir. Bunun üçün daha bir neçə layner almağı planlaşdırır.