Yeni dəniz qırıcısı sınaqdan keçirildi - VİDEO

Rusiyanın müasir dəniz qırıcısı Su-30SM ilk uçuşunu həyata keçirib. Avtosfer.az axar.az-a istinadən xəbər verir ki, müasir təyyarə “İrkut” koorporasiyasında Rusiya Hərbi Dəniz Donanmasının dəniz aviasiyası üçün hazırlanıb. Təyyarə Baltik donanmasının 72-ci aviasiya bazasının Çernyaxovsk aerodromunda yerləşdiriləcək.

Su-30SM Kalininqrad vilayətinin sahil aviasiyasının Su-24M və Su-24MR təyyarələrini əvəz edəcək.

Hazırda Rusiya Hərbi Dəniz Donanması 28 ədəd Su-30SM sifariş edib. Onların 10-u 2014-2016-cı illərdə istehsal olunub. Müqavilənin tam yerinə yetirilməsi 2020-2021-ci illərdə başa çatacaq.

4++ nəsil modernləşdirilmiş çoxhədəfli Su-30SM qırıcısı hədəfi gecə və gündüz, çətin hava şəraitlərində məhv etmək üçün nəzərdə tutulub.