Yeni liman tikilir - Xəzərdə

Qazaxıstan Xəzər dənizində Bakı Beynəlxalq Dəniz Ticarət Limanına bənzər yeni liman tikir. Avtosfer.az trend-ə istinadən məlumatına görə, bunu Bakıda jurnalistlərə Qazaxıstan Maliyyə Nazirliyinin Dövlət Gəlirlər Komitəsinin sədr müavini Qosman Amrin deyib.

Onun sözlərinə görə, Aktau yaxınlığında tikilən yeni Kurık limanı Ələt limanına bənzər olacaq.

Q.Amrin qeyd edib ki, yeni liman Azərbaycandan Qazaxıstana yükdaşımaları xeyli sürətləndirəcək: "İmkanlarına görə, yeni liman Aktau limanından bir neçə dəfə böyük olacaq".

Kurık limanı Aktaudan 100 kilometr aralıda yerləşir.