Yeni metrostansiya nə vaxt istifadəyə veriləcək?

"Heç bir problem yaşanmasa, Ceyhun Səlimov (keçmiş Papanin) küçəsində tikilməkdə olan metro stansiyası 2018-ci ildə təhvil veriləcək". Bunu Bakı Metropolitenin mətbuat katibi Nəsimi Paşayev deyib. Qurum rəsmisinin sözlərinə görə, istifadəyə veriləcək metro stansiyası Mərkəzi Hərbi Hospitalla üzbəüz olan ərazidə yerləşir: "Heç bir problem yaşanmasa, 2018-ci ildə stansiya istifadə veriləcək".

Xatırladaq ki, Ceyhun Səlimov (keçmiş Papanin) küçəsində metro stansiyasının tikintisinə 2013-cü ildən başlanılıb. Hazırda 23 stansiyası olan Bakı Metropoliteni 2030-cu ilə qədər stansiyaların sayını 76-ya, yeraltı yolların uzunluğunu 119,1 km-ə çatdırmağı planlaşdırır.