Yeni yanacaqdoldurma kompleksi açılacaq - Kiyevdə

Bu ay Kiyevdə SOCAR-ın yeni yanacaqdoldurma kompleksi açılacaq. Avtosfer.az xəbər verir ki, bu barədə "SOCAR Ukraine" şirkətinin pərakəndə satış üzrə direktoru İqor Orlov məlumat verib.

Onun sözlərinə görə, yeni yanacaqdoldurma kompleksi (YDK) Protasov Yar küçəsində, kiyevlilərə yaxşı tanış olan dağ-xizək idman kompleksinin yaxınlığında yerləşir.

"Ona görə də SOCAR-ın ənənəvi xidmətlərindən, benzin və qazdan savayı, xizəkçilərə də xüsusi nəsə bir şey təklif etmək istəyirik. Ola bilsin, xizəklər üçün dayanacaq və ya ekstremal idmançılar üçün xüsusi bir şey oldu", - deyə İ.Orlov bildirib.

Onun sözlərinə görə, şirkət 2017-ci ildə əsasən səmərəliliyin artırılmasına və hər bir YDK-nın tam gücü ilə işləməsinə diqqət ayıracaq.

"Eyni zamanda Kiyev, Xarkov, Dnepr, Lvov kimi əhalisinin sayı bir milyondan çox olan şəhərlərində şəbəkəni inkişaf etditməyi planlaşdırırıq", - İ.Orlov vurğulayıb.