Bakı-Sumqayıt yolundakı zolaq avtobusu tıxacdan belə xilas edir - VİDEO

Avtobus zolaqlarının təşkili paytaxtda nəqliyyat axınının optimallaşdırılması baxımından mühüm əhəmiyyət daşıyır. Xüsusi avtobus zolaqları ictimai nəqliyyatın tıxacdan azad olunmasına, hərəkət sürətinin artmasına və minlərlə sərnişinin vaxtına qənaət edilməsinə imkan yaradır.

Avtosfer.az xəbər verir ki, mütəxəssislərin fikrincə, avtobus zolaqları ictimai nəqliyyatın cəlbediciliyini artırmaqla yanaşı, şəhər daxilində avtomobillərin sayının azalmasına da müsbət təsir göstərir. Bu da ümumi yol yükünün azalmasına, hərəkətin daha nizamlı və təhlükəsiz təşkilinə şərait yaradır.

Qeyd olunur ki, bir avtobusun eyni anda onlarla, bəzən yüzlərlə sərnişin daşıması nəzərə alındıqda, ona ayrılmış xüsusi zolaq faktiki olaraq daha çox insanın sürətli hərəkətini təmin edir. Bu yanaşma küçə və prospektlərin bütün istifadəçilər üçün daha ədalətli və səmərəli bölüşdürülməsinə xidmət edir.

Mütəxəssislər vurğulayırlar ki, avtobus zolaqlarına riayət olunması, bu zolaqlara digər nəqliyyat vasitələrinin daxil olmaması ictimai nəqliyyatın effektivliyini daha da artırır. Nəticədə şəhərdə hərəkət mədəniyyəti yüksəlir, tıxaclar azalır və ümumi nəqliyyat sistemi daha dayanıqlı olur.

Eltac Zülfüqaroğlu