Bakıda sürücülər çaş-baş qalıb: Nişan icazə verir, xətt qadağan edir - VİDEO

Bakıda yol nişanı ilə nişanlanma xətti arasındakı ziddiyət sürücüləri çaş-baş salıb. Avtosfer.az xəbər verir ki, söhbət paytaxtın Əhməd Cəmil küçəsilə Əbdürrəhim bəy Haqverdiyev küçəsinin kəsişməsindən gedir. Belə ki, bir müddət əvvəl sözügedən kəsişməyə svetofor quraşdırıldı və Əhməd Cəmil küçəsindən bütün istiqamətlərə (düzünə, sağa, sola və geriyə) hərəkət edilməsinə icazə verildi. Buna dair 5.8.1 məlumatverici yol nişanı da quraşdırıldı. Lakin Ə.Haqverdiyev küçəsini kəsib keçməyi qadağan edən qoşa xətt hələ də silinməyib. Bu isə nişan və nişanlanma xətti arasında ziddiyyətin olmasından xəbər verir. Hərəkətin bu formada təşkil edilməsi qanunvericiliyə ziddir.
Videogörüntünü redaksiyamızın qaynar xəttinə göndərən oxucu bildirir ki, qoşa xəttin olması onu çaşdıraraq sağa dönməyə məcbur edib.
 

Fərid