Bu küçədəki nişan sürücüləri "tələ"yə salır - 3 bal 60 manat - VİDEO

Bakıda hərəkətin təşkilində olan qüsur sürücülərin qayda pozmasına şərait yaradır. Avtosfer.az xəbər verir ki, söhbət  paytaxtın Həsən Əliyev küçəsilə Mərdanov Qardaşları küçəsinin kəsişməsindən gedir. Belə ki, Həsən Əliyev küçəsindən sağa – Mərdanov qardaşları küçəsinə giriş qadağan edilib. Yolayrıcı qarşısında quraşdırılmış 3.1 giriş qadağandır nişanının üzü əks tərəfə quraşdırıldığı üçün və məcburi hərəkət istiqaməti nişanının olmadığı üçün sürücülər Mərdanov qardaşları küçəsinin birtərəfli olmasını anlamırlar. Bu səbəbdən də  Həsən Əliyev küçəsindən gələn sürücülər sağa dönərək istəmədən qayda pozurlar.  

Həmin kəsişmədə hərəkətin yalnız düzünə olmasını bildirən 4.1.1 nişanının və giriş qadağandır nişanının düzgün istiqamətə quraşdırılması vacibdir. Ümid edirik ki, Bakı Nəqliyyat Agentliyi (BNA) tez bir zamanda hərəkətin təşkilində olan qüsuru aradan qaldıracaq.

Könül