Nişanla svetofor arasındakı ziddiyyət sürücüləri çətin vəziyyətə salıb - VİDEO

Bakının Həsən bəy Zərdabi küçəsi ilə İsmayıl Talıblı küçəsinin kəsişməsində hərəkətin təşkilindəki uyğunsuzluq sürücülər üçün ciddi çətinlik yaradır. Söhbət svetoforun sağa dönmək üçün əlavə yaşıl ox bölməsindən və yolun nişanlanma xəttindən gedir.

Avtosfer.az xəbər verir ki, hazırda sağ zolaqda həm düzünə, həm də sağa hərəkəti bildirən nişanlanma xətti tətbiq olunub. Eyni zamanda svetoforda sağa dönmək üçün ayrıca yaşıl işıq bölməsi mövcuddur. Bu səbəbdən qırmızı işıqda dayanan və düzünə hərəkət etmək istəyən sürücülər yaşıl ox yandıqda arxadan gələn sürücülərin siqnalları ilə qarşılaşır. Nəticədə, həm narahatlıq yaranır, həm də yol hərəkətinin axıcılığı pozulur.

Sürücülər Avtosfer.az-ın qaynar xəttinə müraciət edərək bildirirlər ki, problemin əsas səbəbi zolağın eyni zamanda həm düzünə, həm də sağa hərəkət üçün ayrılmasıdır. Onların fikrincə, sağ zolaq yalnız sağa hərəkət üçün təşkil olunsa və 5.8.1 nişanları quraşdırılırsa problem həllini tapmış olar.

Fərid