Sürücülər yola quraşdırılmış bu nişandan narazıdır - VİDEO

Yolda quraşdırılan nişan sürücülərin narazılığına səbəb olub. Avtosfer.az xəbər verir ki, söhbət paytaxtın Vaqif Mirzəyev küçəsilə hava limanı yolunun kəsişməsindən gedir. Belə ki, sözügedən kəsişmədə stop nişanı quraşdırılıb. Lakin videogörüntünü qeydə alan sürücü iddia edir ki, orada görmə məsafəsi məhdud olmadığı üçün stop nişanının quraşdırılması lüzumsuzdur. Sürücü həmin nişanın yol ver nişanı ilə əvəz olunmasını xahiş edir.

Qanunvericiliyə görə, stop nişanı kəsişən yolla yaxınlaşan nəqliyyat vasitələrinin zəruri məsafədən görünməsi mümkün olmadığı hallarda quraşdırılmalıdır. Əks halda yol ver nişanını quraşdırmaq kifayət edir.

Fərid