«06» yol polisi ilə toqquşaraq iki yerə papçalandı – DYP-dən açıqlama - FOTO

Xəbər verdiyimiz kimi, avqustun 19-da, səhər saatlarında Bakı-Şamaxı yolunda Yol-Patrul Xidməti avtomobilinin iştirakı ilə yol qəzası baş verib. Saat 08:30-da Dövlət Yol Polisi İdarəsinin Şamaxı-Mərəzə postunun yaxınlığında «VAZ-2106» markalı avtomobil iki avtomobillə toqquşub. Zərbə o qədər güclü olub ki, «VAZ» iki hissəyə parçalanıb. Onun vurduğu avtomobillərdən biri DYP-yə məxsus «BMW» markalı, 99 YP 822 dövlət nömrə nişanlı patrul maşınıdır.

Baş Dövlət Yol Polisi İdarəsi hadisə ilə bağlı Avtosfer.az-a açıqlama verib. İdarənin ictiami əlaqəlar höbəsindən verilən açıqlamada bildirilir ki, hadisə DYP əməkdaşlarının günahı olmayıb. Belə ki, «VAZ-2106» markalı avtomobilin sürücüsü köməkçi yolla hərəkətdə olub və əsas yola çıxarkən yaxınlaşmaqda olan DYP avtomobilini gözləmədən onun yoluna çıxıb. DYP avtomobili illə toqquşmadan sonra yola tam çıxan «VAZ» əks istiqamətdə hərəkət edən «VAZ-2107» markalı avtomobillə də toqquşub. Zərbənin gücündən «06» iki hissəyə parçalanıb. DYP-dən verilən məlumatda bildirilir ki, qəza nəticəsində hər üç avtomobilə ciddi ziyan dəyib, «06»nın sürücüsü isə xəsarət alıb. Hazırda baş vermiş hadisə ilə bağlı araşdırma aparılır.

Elmin