245 nömrəli məktəbin şagirdləri “Yol polisi ilə bir gün” layihəsində - VİDEO

Bakı şəhəri 245 nömrəli tam orta məktəbin şagirdləri “Yol polisi ilə bir gün” layihəsində iştirak ediblər.

Avtosfer.az xəbər verir ki, 11 sentyabr tarixində “Yol polisi ilə bir gün” layihəsi çərçivəsində Bakı şəhəri 245 nömrəli tam orta məktəbin şagirdləri  Baş Dövlət Yol Polisi İdarəsinin fəaliyyəti ilə yaxından tanış olublar.

Şagirdlər üçün İdarədə tanışlıq turu təşkil edilib. Onlara BDYPİ-nin ayrı-ayrı struktur bölmələrinin fəaliyyəti və iş prinsipləri barədə ətraflı məlumat verilib.

Məktəblilər, həmçinin yol-patrul avtomobillərində istifadə olunan müasir texniki vasitələr və onların funksiyaları ilə tanış olublar.

Görüş zamanı şagirdlərin sualları cavablandırılıb, yol hərəkəti qaydalarına əməl edilməsinin vacibliyi izah olunub və təhlükəsiz davranışla bağlı tövsiyələr verilib.