Abşeronda qayda pozan sürücülər cərimələndi - Maşını saz vəziyyətə saxlayanlara isə... - VİDEO

Ətraf mühitin qorunması, avtomobillərin ixrac etdiyi zəhərli qazların miqdarını ölçmək üçün Abşeron rayon Dövlət Yol Polisi Şöbəsinin əməkdaşları Ekologiya və Təbii Sərvətlər Nazirliyi ilə birgə “Təmiz hava” aylığı çərçivəsində maarifləndirici tədbir keçirib. Avtosfer.az xəbər verir ki, tədbir zamanı avtomobillərdən çıxan qazların tərkibində olan zərərli maddələrin miqdarı xüsusi avadanlıqlarla yoxlanılıb. Normadan artıq zəhərli qaz ixrac edən və atmosferi həddindən artıq çirkləndirən avtomobilləri idarə edən sürücülər barədə qanuna müvafiq tədbirlər görülüb. Həmçinin yol polisi əməkdaşları tərəfindən yol hərəkəti qaydalarına riayət olunması və avtomobillərin saz vəziyyətdə saxlanılması barədə sürücülərlə profilaktik söhbətlər aparılaraq onlara hüquq və vəzifələri izah edilib. 
Bildirilib ki, ətraf mühitin, xüsusilə havanın qorunması həm özümüzün, həm də digərlərinin həyat və sağlamlığı üçün önəmlidir. 
Tədbirlər zamanı əksər avtomobillərdə zərərli qazların miqdarı normalar çərçivəsində olub. Sürücülər yanacaqla bağlı şikayətlərin əsassız olduğunu, avtomobili vaxtaşırı yoxlamağın vacibliyini bildiriblər. 
Tədbirlərin bundan sonra da davam etdirilməsi nəzərdə tutulub.

Orxan