Avtomobillərini texniki baxışa gətirən xanımlar sürprizlə qarşılaşıb - VİDEO

Bu gün 8 Mart Beynəlxalq Qadınlar Günü münasibətilə Dövlət Yol Polisi bir sıra tədbirlər keçirib. Avtosfer.az xəbər verir ki, avtomobillərini texniki baxışa təqdim edən qadın xanım sürücülər bayram münasibətilə təbrik olunub.

Baş Dövlət Yol Polisi İdarəsinin Zabrat qəsəbəsi və Qaradağ rayonu ərazisindəki Texniki Müayinə Mərkəzlərində baş tutan tədbirlər zamanı xanım sürücülər sürprizlə üzləşib.

Müayinə Mərkəzinin əməkdaşları xanım sürücülərə diqqət göstərərək onlara hədiyyələr təqdim edib və texniki müayinə prosesinin tez başa çatmasına köməklik göstəriblər. 
Xanım sürücülər bu diqqət və qayğıya görə təşəkkürlərini bildirib. 

Qeyd edək ki, ənənəvi olaraq hər il analoji tədbirlər həyata keçirilir. Tədbirdən hazırlanmış videoçarxı təqdim edirik:

Nərmin Əkbər