Bakıda iki rayonun DYP rəisi işdən çıxarıldı - Nazirdən ƏMR!

Daxili İşlər Naziri, general-polkovnik Vilayət Eyvazovun müvafiq əmrlərinə əsasən, Bakıda yol polisi sistemində rəhbər vəzifələrə yeni təyinatlar olub.

Avtosfer.az xəbər verir ki, polis polkovnik-leytenantı Rəşad Nağıyev Suraxanı Rayon Dövlət Yol Polisi Şöbəsinin rəisi vəzifəsindən azad edilərək Yasamal Rayon Dövlət Yol Polisi Şöbəsinin rəisi vəzifəsinə təyin edilib. Nazirin digər əmri ilə Yasamal Rayon Dövlət Yol Polisi Şöbəsinin rəisi, polis polkovnik-leytenantı Məmməd Əliyev tutduğu vəzifədən azad edilərək Bakı Şəhər Dövlət Yol Polisi İdarəsinin Yol Patrul Xidməti Alayında tağım komandiri vəzifəsinə təyin edilib.

Hazırda Suraxanı Rayon Dövlət Yol Polisi Şöbəsinin rəis vəzifəsi boşdur.