Bakıda polis maşını qəzaya düşdü, 4 nəfər yaralanıb

Bakı şəhəri, Nərimanov rayonunda üç avtomobil toqquşub. Avtosfer.az “Report”a istinadən xəbər verir ki, yol-nəqliyyat hadisəsi Z.Bünyadov prospekti 28 ünvanda qeydə alınıb. Bakı şəhər sakinləri 1962-ci il təvəllüdlü Yavər Həsənovun idarə etdiyi “KamAZ”, 1965-ci il təvəllüdlü Seyfəddin Əzizovun idarə etdiy “Nissan” və 1965-ci il təvəllüdlü İlqar Muradovun idarə etdiyi DİN-in Baş Mühafizə İdarəsinə məxsus “Volkswagen” markalı avtomobillər toqquşub. S.Əzizov, sərnişinləri 1963-cü il təvəllüdlü Çimnaz Əzizova, 1971-ci il təvəllüdlü Gülnaz Kazımova və 2004-cü il təvəllüdlü Nərmin Kazımova xəsarətlərlə 1 saylı Kliniki Tibbi Mərkəzə yerləşdiriliblər. Onların vəziyyətləri qənaətbəxşdir.

Faktla bağlı araşdırma aparılır.