Baş nazir polis üçün telefonla qız istədi - Video

Türkiyə baş naziri Binəli Yıldırım bayram namazını Üsküdar Mərmərə Universitetinin İlahiyyət Fakültəsi Məscidində qıldıqdan sonra Üsküdar Çevik Polis Alayında polislərlə nahar edib. “Qafqazinfo”nun “Sabah”a istinadən verdiyi məlumata görə, görüş zamanı polislərdən biri baş nazirə müraciət edərək bildirib ki, sevdiyi qızı onun üçün ailəsindən istəsin. Binəli Yıldırım isə telefonla qızın ailəsinə zəng edərək qızı oğlan üçün istəyib və razılıq alıb.Daha sonra o, polisin anasına zəng edərək qızı oğullarına istədiyini və bununla da elçilik işinin baş tutduğunu söyləyib.