Binəqədi DYP "Təmiz hava aylığı” tədbirlərini davam etdirir - VİDEO

Respublika ərazisində “Təmiz hava aylığı” çərçivəsində keçirilən tədbirlər davam edir. Paytaxtın Binəqədi rayonunda analoji reyd baş tutub. Avtosfer.az xəbər verir ki, tədbir zamanı sürücülərlə proflaktiki söhbətlər aparılıb, “Təmiz hava aylığı” barədə məlumat verilib. Bildirilib ki, avtomobillərdən ixrac olunan zərərli qazlar təbiətə və insan sağlamlığına ziyan vurur. 
Bakı şəhər Dövlət Yol Polis İdarəsinin inspektoru polis mayoru Fuad Sultanov Avtosfer.az-a bildirib ki, DYP əməkdaşları kütləvi informasiya vasitələri ilə birlikdə bir ay ərzində, yəni 1 martdan 31 marta qədər “Təmiz hava aylığı” çərçivəsində paytaxtın müxtəlif ərazilərində reydlər keçirib və belə reydlər hər il mütəmadi davam etdirilir. O bildirib ki, baş tutuan tədbirlər müsbət nəticəsini verir. Belə ki, əksər sürücülərdə avtomobillərdən ixrac olunan zəhərli qazların miqdarı normalar çərçivəsindədir.
Tədbir zamanı bəzi sürücülər barəsində inzibati protokol tərtib edilib, eyni zamanda avtomobili saz vəziyyətdə olan sürücülərə təşəkkür olunub.

Nurlan Sakitoğlu
Nərmin