“BMW”yə sayrışan işıq quraşdırıb polis maşınına oxşatdı - DYP-dən AÇIQLAMA - VİDEO

Paytaxt ərazisində yol hərəkəti qaydalarını kobud şəkildə pozan sürücü öz hərəkətini videoya çəkərək sosial şəbəkədə paylaşıb.

Avtosfer.az-ın məlumatına görə, 77-HT-220 dövlət nömrə nişanlı “BMW” markalı avtomobilin sürücüsü nəqliyyat vasitəsinin damına operativ nəqliyyat vasitələrinə məxsus göy və qırmızı sayrışan işıq siqnalları quraşdırıb.

Məsələ ilə bağlı Bakı Şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli Avtosfer.az-a açıqlamasında bildirib ki, aparılan araşdırmalar nəticəsində yayılan videonun arxiv görüntüləri olduğu müəyyən edilib.Qeyd olunub ki, həmin nəqliyyat vasitəsi bu ilin 2 iyun tarixində Daxili İşlər Nazirliyinin Baş Dövlət Yol Polisi İdarəsində qeydiyyatdan çıxarılıb.

Nərmin