Bu da polisə əl-qol atan sürücü və səbrli yol polisləri – VİDEO

Azərbaycanda yol polislərinin hamısı sürücülərlə əlbəyaxa dava etmir, kobudluq göstərmir. Onların arasında səbrli və qaydalara əməl edənlər də var. Avtosfer.az-ın təqdim etdiyi bu videodakı yol polisləri kimi. Onlar qayda pozan gənc sürücünü saxlayıblar və sakitcə protokol yazırlar. Lakin əsəbi sürücü polislərə əl-qol atır, onların işinə mane olur. Hətta polis zabininin dəfələrlə "mane olma" deməsinə baxmayaraq o, protokol yazan inspektorun əlindən sürücülük vəsiqəsini zorla alır. Polis zabiti onu sakitləşdirməyə çalışsa da, gənc sürücü yenə də ucadan danışa-danışa hərəkətləri ilə kobudluq nümayiş etdirir. Harasa zəng edib kömək istəsə də, protokol yazılır.

Bəzən belə aqressiv sürücülərin qarşısında yol polisinin sakit dayanmasını tələb etmək çətin görünür. Başqa ölkələrdə belə sürücünün qolunu qandallayıb "sakitləşdirməyə" aparırlar. Bəzi ölkələrdə isə buna görə sürücünü güllələyirlər…

Elmin