Bu ilin 7 ayı ərzində 26 azyaşlı qəzalarda ölüb - Vaqif Əsədov

Bu ilin 7 ayı ərzində respublika ərazisində uşaq və yeniyetmələrin iştirakı ilə baş vermiş yol-nəqliyyat hadisələrində 26 azyaşlı ölüb, 122 nəfər xəsarət alıb. Avtosfer.az xəbər verir ki, bu barədə Bakı Şəhər Baş Polis İdarəsinin Dövlət Yol Polisi İdarəsinin bölmə rəisi, polis polkovniki Vaqif Əsədov məlumat verib. V.Əsədov bildirib ki, ölkədə, o cümlədən paytaxt ərazisində nəqliyyat vasitələrinin sayının ilbəil artması fonunda ümumi yol-nəqliyyat hadisələrinin, eləcə də qəzalarda ölən və yaralananların sayının azalmasına baxmayaraq belə hadisələrin baş verməsi ciddi narahatlıq doğurur.